Chishti RasoolAllah Ka Jawab

*🌹SAWAL:-🌹*
ASSALAMUALAIKUM

AULMAYE AEHLE SUNNAT KI BARGAH ME EK BOHOT HI AEHAM SAWAL HE KIYA SARKAR GAREEB NAWAZ RAHMATULLAH NE LA ILAHA I'LL ALLAH CHISHATI RASOOLALLAH KALMA PADHAYA HE KISI KO

YE SAWAL KARNE KI VAJAH YE HE KE WAHABI DEO BANDI AEHLE HADEES WAGERAH SARKAR GAREEB NAWAZ PAR AETRAZ KATTE HUYE YE KEHTE HE KE BARELVIYO KA KALMA TO CHISTI RASOOLALLAH HE

AEHLE ILM SE GUJARISH  HE KE ISKI HAQIKAT KIYA HE AAP REHMUKAI FARMAYE

*🌹JAWAB:-🌹*

وَعَلَيْكُم السَّلَام وَرَحْمَةُ اَللهِ وَبَرَكاتُهُ‎

Ye Waqe'aa Kisi Be Deen Ne Buzurgo Ki Kitabo Me Izafa Kiya He, Or Ye Koi Nayi Baat Nahi He. Logo Ne Huzur ﷺ Or Sahaba e Kiram Ke Bhi jhuthe Waqeaa Bayan Kiye He. ek To Ye Waqeaa Galat or Dusra Bad Mazhab Use Aadha Adhura bayan Karte He,

Pahli Baat Ye ki Ye Qaida He Jab Tak Kisi Qaul Ka Qata'ee Taur Par Qaail Ki Taraf Nisbat Sabit Na Ho Jaye Tab Tak Usko Mansoob Nahi Kiya Jata He.
Or Kisi Bhi Baat Ka Kisi Aysi Shakhsiyat Ki Taraf Mansoob Hona Jo Shakhsiyat Musalmano Ke Yahañ Musallma Ho, Buzurg Samja Jata Ho, Us Baat Ko Dekha Jayega ki Uski Hesiyat Kya He.

Aala Hazrat Ashshah Imam Ahmad Raza Khan Fazile Barailvy Alaihir Rahmato Ridwan Farmate He,

Koi Kitab Ya Risala Kisi Buzurg Ke Naam Se Mansoob Hona Issw Saboote Qata'ee  Ko Mustalzim Nahi. (Yaani Ye Nahi Ki Koi Kitab Ya Risala Kisi Buzurg Ke Naam Par Mansoob Ho to Wo Qata'ee Taur Par Us Buzurg Se Sabit He) Bahut Risale Khusoosan Akabire Chisht Ke Naam Se Mansoob He Jiska Aslan Saboot Nahi. Saaniyan Kisi Kitab Ka Sabit Hona Uske Har Fiqre Ka Sabit Hona Nahi, (Yaani Agar Koi Kitab Buzurg Ke Naam Se Sabit Bhi Ho To Ye Nahi Ki Uska Har Har Fiqra Usi Buzurg  Se Sabit He) Bahut Aqabir Ki Kitabo Me Ilhaaqat He Jin ka Mufassal Bayan Kitab Al-Yawaqeet Al Jawahir Imam Aarif Billah Abdul Wahab Sherani Rahematullah Alaihi He,  Khusoosan Hazrat Shaikhe Akbar RadiAllahu Anhu Ke Kalam Me To Ilhaaqaat Ki Ginti Nahi, Khule Huye Sareeh Kufr Bhar Diye he.
*📚(Fatawa Razviya, J-15, S-555,556)*

Or Farmate He,

Hazraat Auliya Jin ki Wilayat Sabit W Muhaqqiq He Unse Jo Qaul Ya Fe'al Ya Haal Aysa Manqool Ho Ki Bazahir Khilafe Shara'a Mutahar Ho To Awwalan Agar Vo Sanade Sahih w Wajibul Aetemad Se Sabit Nahi Naqil Par Mardood He, (Yaani Uski Sanad Sahih Nahi He Or Muttasil Sanad Se Sabit Nahi Or Vo Qaul Qura'an w Hadees Ke Khilaf He To Vo Naqil Naql Karne Par Kiya Jayega, Us Qaul Ko Us Buzurg Ki Taraf Mansoob Or Sabit Nahi Mana Jayega) Or Damane Auliya Isse Paak Balki Auliya To Auliya Hujjutul Islam Gazali Quddasirahu Ne Ahya Shareef Me Tashreeh Farmai Ki Kisi Musalman Ki Taraf Kisi Kabeera Ki Nisbat Jab Jaiz Nahi Jab Tak Saboot Qamil Na Ho.
*📚(Fatawa Razviya, J-22, S-516)*

Isi Se Sabit Hua Ki koi Fe'al Ya Qaul Kisi Buzurg Ki Taraf Mansoob Ho Or Sahih Sanad Se Sabit Na Ho to Naqabile Qubool he, Us Par Aetemad Nahi, Or Jo Kalma Chishti RasoolAllah Wali Riwayat Huzur Khwaja Garib Nawaz Ki Taraf Mansoob Ki Jati He, Vo Kisi ne Buzurgo Ki Kitabo Me Ilhaaqat Kiya He, Jisse Ye Riwayat Galat Or Gair Aetemadi he.

Ab Dusri Baat Wahabi Deobandi Ki Purani Aadat Ki Kisi Bhi Riwayat Ko Aadhi Adhuri Hi Pesh Karte He, Ye Galat Riwayat Ko bhi Wahabiyo Ne Adhuri Hi Pesh Ki, Isi Galat Riwayat Ko Ek Baar Puri Padhi Jaye..

Hasht Bahishti Me Malfoozate Khwaja Qutbuddin Bakhtiyar Kaki Alaihir Rahma Me Is Riwayat Ko Is Tarah Naql kiya He,

"Me Or Bahut Sare Ahle Safa Shaikh Moinuddin Alaihir Rahma Ki Khidmat Me Hazir The Awliya Allah Ke Baare Me Zikr Ho Raha Tha, Usi Asna (Yaani Usi Dauran) Me Ek Shakhs Bahar Se Aaya Or Bay'at Hone Ki Niyyat Se Khwaja Sahab Ke Qadmo  Me Sar Rakh Diya. Aapne Farmaya Beth Ja. Vo Beth Gaya Or Us ne Arz Ki Ke Me Aap Ki Khidmat Me Mureed Hone Ke Waste Aaya Hu ! Shaikh Sahab Us Waqt Apni Khas Halat Me The. Aapne Farmaya Ke Jo Kuchh Tujhe Kahta Hu Kaho Or Baja la Tab Mureed Karuga. Usne Arz Ki Jo Aap Farmaye Me Baja Lane Ko Tayyar Hu. Aapne Farmaya Ki Tu Kalma Kis Tarah Padhta He ? Usne Kaha La Ilaha Illallah Muhammadur RasoolAllah. Aapne Farmaya Kaho ! La ilaha Illallah Chishti RasoolAllah. Usne Usi Tarah Kaha. Khwaja Sahab Ne Use Bay'at Kar Liya Or Khal'at W Ne'amat Di Bay'at ke Sharf Se Mushraf Kiya (Wahabi Deobandi Bas Itna Hi Bayan Karte He,) Fir Farmaya Ki Sun ! Mene Tujhe Jo Kaha Tha Ki Kalma Is Tarah Padho Ye Sirf Tera Aqida Aazmane Ki Khatir Kaha Tha Warna Me Kon Huñ (Yaani Warna Meri Kya Hesiyat Jo RasoolAllah Hone Ka Dawa Karu) Me To Ek Adna Sa Gulame Muhammadur RasoolAllah ﷺ Ka Hu. Kalma Asl Me Wahi He (Yaani La Ilaha Illallah Muhammadur RasoolAllah ﷺ) Lekin Me Sirf Haal Ki Kamaliyat Ki Wajah se ye Kalma Teri Zaban se Kahalwaya Tha Chuñ Ki Tu Mureed Hone Ke Liye Aaya He Or tujhe mujh par Yaqeen Tha Is Liye Fauran Tu Ne Aysa Hi Kah Diya Is Liye Sachcha Mureed Ho gaya..
*📚 (Hasht Bahisht, Fawaidus Salikeen, S-19)*

Hazrat Nizamuddin Auliya Ki Taraf Mansoob Kitab Fawaidul Fawaid Me,

Isi Tarah Ka Waqeaa Hazrat Shibli Rahematullah Alaihi Ki Taraf Mansoob He,
Pura Waqeaa Aysa Hi Sirf Usms Khwaja Gareeb Nawaz Ki jagah Hazrat Shibli or Kalma Chishti RasoolAllah Ki Jagah Shibli RasoolAllah He.
*📚Fawaidul Fawaid, Urdu S-252)* Par Maujud he.

Pahli Baat To Ye Ki Ye Hikayat hi Galat He, Or Dusra Ye Ki Wahabi Ise Adhuri pesh Karte He, agar puri padhi jaye to maloom hoga ki Hazrat Khwaja Garib Nawaz Sabko ye Kalma Kahelwa kar Mureed nahi karte the, balki ek mureed ki Aqeedat Janne Ke Liye Kaha Tha Or Baad Me Use Usi waqt Zahir bhi kiya, Or Ye Bhi Kaha Ki Me To adna Sa Gulame Muhammadur RasoolAllah ﷺ Hu. Lihaza Wahabio Ko Chahiye Ki Apne Makro Fareb se Baaz Aaye.

Ab Tisra Ye Ki Ye Hikayat Ke Ta'alluk Se Wahabi Deobandi Ke Peshwa Kya Kahte he, To Dekhe,

Deobandi Ke Hakimul Ummat Ashraf Ali Thanvi Likhte He,

Chishti RasoolAllah Ba Ma'ana Paygams Risañ Or Bataure Imtihan Tha. Ye Kisi Soorat Kalma e Kufr Nahi banta.
*📚(AlSunnatul Jalila, S-111, 112)*

Chishti RasoolAllah Kahlane Me Maslehate Imtehan Ki thi Or Samaeen khush Faham the is liye mufsida Muhtamal na tha.
*📚(AlSunnatul Jalila, S-118, Hakimul Ummat Deoband)*

Lihaza Pahle To Deobandiyo Ko Chahihe Ki Apne Peshva Par Hukm Lagaye Ya Unki baat Taslim kare, Or Aadhi Adhuri Baate Bayan Na kare..

Wallahu Aa'alam Bis-Sawab
*_✍🏻Pathan Moin Raza Khan,Petlad_*
📲http://wa.me/+918

*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•