Purane Ya Fate Huye Quran ke awraq Ya Kitabo Ka Kya Kiya Jaye ?

*🌹SAWAL:-🌹*
Assalamualaykum hazrat mera sawal hai ki ramzan ke  mahine me jo iftari ke time table jo aate hain unpar duaen likhi hoti hain.. Aur chanda lene vale hazrat jo recip dete hain un par quran w kareem aur gumbad e khajra vagerah ki image hoti hai to fir  unka  kya kiya jae unhe ek Quve (well) me dal diya jata hai kya ye durust hai? Agr nahi to kya kiya jae.. Rehnumai farmyen

*🌹JAWAB:-🌹*

_Huzur Faqihe Millat Hazrat Allama Mufti Jalaluddin Ahemad Amjadi Alaihir Rahemato Ridwan Taherir Farmate he_

Qura'an Majeed purana or bosida ho gaya, is qabil na raha ki usme tilawat ki jaye or ye andesha he ki awraq bikhar kar zaye hoge to kisi paak kapde me lapet kar ehtiyat ki jagah  dafn kar diya jaye or dafn karne me lahaf banai jaye take is par mitti na pade ya is par takhta laga kar chhat bana kar mitti dale ki us par mitti na pade.
Usko jalaya na jaye.
Aysa hi *📚Bahare Shariyat, H-16, S-118* par *📚Fatawa Aalamgiri* Ke Hawale Se He

Or isi tarah vo  sticker,banner, shadi card or khat wagairah jin me Qura'an ki aayate, hadish, durood shareef, or awliya e kiram ke naam w gumbad wagairah hote he unhe bhi mazkoora tariqe par dafn kar diya jaye ya darya me daal diya jaye, jalane ki ijazat nahi.
*📚(FATAWA FAQIHE MILLAT, J-2, S-329)*

Wallahu Aa'alam Bis-Sawab
*✍🏻Pathan Moin Raza Khan,Petlad*
📲8487928693

*🌹SAWAL-O-JAWAB🌹F.T.S👑grp*
===========➖➖➖➖==========