*Saiyed Hazrat Ali Ko Shaikhain Se Afzal Jaane Ya Ambiya E Kiram Se Afzal Jaane To Uski Tazeem Ka Hukm?*
*🌹SAWAL:-🌹*
Assalamualaikum
Hazrat Ki Bargah Me Swal Hai Ki Ek Shaks Hai Sayyad Hai Apne Ko Batate Hain Pahla Number Hai Maula Ali Ka Aisa Bolte Hain, Aur Mustafa ﷺ K Baad Sabse Bada Rutba Ali Ka Hai Aise Bolte Hai, Kya Unko Sayyad Maan Kar Unki Tazeem Ki Jaygi Kya Wo Waqai Sayyad Honge Aise Baato Par Tafseel Se Jawab Inayat Farmayeñ..
*🌹JAWAB:-🌹*
وَعَلَيْكُم السَّلَام وَرَحْمَةُ اَللهِ وَبَرَكاتُهُ
Sarkar Aala Hazrat Alaihir Rahmato Ridwan Taherir Farmate Hai,
Saiyed Sunni Ul Mazhab Ki Tazeem Lazim He Agarche Uske Aamal Kaise Hoñ Un Aamal Ke Sabab Usse Tanaffur Na Kiya Jaye Nafse Aamal Se Tanaffur Ho Balki Uske Mazhab Me Bhi Qaleel Farq Ho Ki Hadde Kufr Tak Na Pahunche Jaise Tafzeeli to Is Haalat Me Bhi Uski Tazeeme Siyadat Na Jayegi Haañ Agar Uski Badmazhabi Hadde Kufr Tak Pahuche Jaise Rafzi Wahabi Qadiyani Nechari Wagairahum to Ab Uski Tazeem Haram He Ki Jo Wajhe Tazeem Thi Yaani Siyaadat Wahi Na Rahi. (Yaani Rasoolallah ﷺ Se Unka Nasab Irtedaad Ne Munqata'a Kar Diya Ab Vo Saiyed Na Rahe.)
*📚(Fatawa Razviya Mutarjim, J-22, S-422, Mas'ala-184)*
Or saiyed Tafzeeli Yaani Hazrat Ali Ko Shaikhain Par Fazilat Deta Ho To Uske Pichhe Namaz Parhne Ke Ta'alluq se farmate hai,
Tamam Ahle Sunnat Ka Aqeeda Ijma'iya Hai Ke Siddiqe Akbar W Farooqe Azam Radiallahu Anhum, Maula Ali Karramallahu Ta'ala Wajhahul Kareem Se Afzal Hain. A'imae Deen Ki Tasreeh Hai Ke Jo Maula Ali Radiallahu Anhu Ko Un Par Fazilat De, Mubtada Bad-Mazhab Hai. Uske Peechhe Namaz Makrooh Hai.
Fatawa Khulasa W Fat-ul-qadeer W Bahrur Raaiq w Fatawa Alamgiri Wagairaha Kutube Kaseera Mein Hai,
ان فضل علیا علیھما فمبتدع
Agar Koi Hazrat Ali Ko Siddiq W Farooq Par Fazilat Deta Hai to Woh Bidati Hai.
*📚(خلاصۃ الفتاویٰ کتاب الصلوٰۃ الاقتداء باھل الہوائ مطبوعہ مکتبہ حبیبیہ کوئٹہ ١/١٤٩)*
Guniya W Radd-ul-muhtar Mein Hai,
الصلٰوۃ خلف المبتدع تکرہ بکل حال
Bad-mazhab Ke Peechhe Namaz Har Haal Mein Makrooh Hai.
*📚(ردالمحتار باب الامامۃ مطبوعہ مصطفی البابی مصر ١/٤١٤)*
Arkaane Arba'a Mein Hai,
الصلوۃ خلفھم تکرہ کراھۃ شدیدۃ
In Yaani Tafzeeli Shia Ki Iqtida Mein Namaz Shadeed Makrooh Hai.
*📚(رسائل الارکان فصل فی الجماعۃ مطبوعہ مطبع علوی انڈیا ص٩٩)*
Tafzeeliyon Ke Peechhe Namaz Sakht Makrooh Yaani Makrooh Tahreemi Hai Ke Parhna Gunah Aur Pherni Wajib Hai.
*📚(Fatawa Razawiyya, Jild-6, S-622, Mas'ala-809)*
Awwalan to Saiyed Sunni Ul Mazhab Ki Tazeem Har Haal Me Wajib He, Agarche Uske Aamal Kaise Hi Ho.. Magar Mazkoorah Soorat Me Saail Ki Murad Agar Ye He Ki Vo Saiyed Shakhs Hazrat Abu Bakar W Hazrate Umar Farooqe Aazam Radiallahu Anhum Se Hazrat Saiyduna Maula Ali Karramallahu Ta'ala Ko Afzal Maanta He to Aysa Shakhs Badmazhab Gumrah He, Tafzeeli Aqaaid Rakhne Wala He, Jiske Pichhe Namaz Parhna Makroohe Tahreemi Hai Ki Parhna Gunah or Pherni Wajib. Magar Vo Isse Kafir Na Hoga.. Or Saiyed Ke Mazhab Me Qaleel Farq Ho Ki Hadde Kufr Tak Na Pahunche Tab Bhi Uski Tazeeme Siyadat Ki Jayegi Usse Nafrat Na Ki Jaye, Ki Saiyed Agar Tafzeeli Bhi Ho to Uski Tazeeme Siyadat Ki Jayegi...
Ye Bhi Wazeh Rahe Ki Ye Jo Baat Umoomi Taur Bayan Ki Jati He Ki Saiyed Badmazhab Bhi Ho to Uski Ta'azeem Wajib He Jo Apni Jagah Haq or Durust He Uska Mafhoom Bhi Bilkul Wazeh He Ki Uski Tauheen Uske Nasab Ko Dekhte Huve Na Ki Jaye Jaise Saiyed Ko Gaaliyañ Dena Uske Nasab Ko Lekar Ta'an W Tashnee'a Karna Wagairah.. Lekin Iska Hargiz Vo Mafhoom Nahiñ Jo Aaj Kal Ba'az Khatiboñ Ne Liya He Ki Badmazhab Saiyed Ki Mahfil Me Jaate Hai Ye Sab Umoor Najaaiz Hai Ki Faqat Ta'azeem Ba Ma'ana Tauheen Se Roka Gaya Tha. Uski Nashist Ikhtiyar Karna Wagairah to Bahukme Hadees Sakht Mamnoo'a Tha..
Huzure Paak ﷺ Ka Farmane Mu'azzam He Tum Unse (Badmazhab Se) Door Raho or Vo Tumse Door Raheñ Kahiñ Tumheñ Gumrah Na Kar Deñ or Fitne Me Na Daal Deñ.
*📚(Muqaddama Sahih Muslim, S-9, Hadees-7)*
Or Saail Ki Murad Agar Ye Ho Ki Vo Saiyed Hazrat Ali Ko Huzur ﷺ Ke Baad Digar Ambiya Kiram Se Bhi Afzal Maanta He, Ambiya E Kiram Par Fazilat Deta He, Ya Hazrat Siddique Akbar W Farooque Aazam Ki Khilafat Ka Inkar Karta He to Ye Kufr He,
Jaisa Ki Huzur Sadrushshariyah Alaihir Rahmato Ridwan Taherir Farmate Hai,
Ambiya E Kiram, Tamam Makhlooq Yahañ Tak Ke Rusoole Malaika Se Afzal Hain. Wali Kitna Hi Bade Martaba Wala Ho, Kisi Nabi Ke Barabar Nahiñ Ho Sakta. Jo Kisi Ghair Nabi Ko Kisi Nabi Se Afzal Ya Barabar Bataye, Kafir Hai..
*📚(Bahare Shariat, H-1, S-47, Aqaaid Muta'alliqa Nabuwwat, Aqeedah-22)*
Ek Aur Maqaam Par Badmazhaboñ Ke Aqaaid Bayan Karte Hue Irshad Farmate Hain,
(Rafzi Firqa Ka) Ek Aqeeda Yeh Hai Ke a'imae a'thar Razi Allahu Ta’ala Anhum, Ambiya Alaihimus Salaato Was Salaam Se Afzal Hain.' Aur Yeh Bil Ijmaa Kufr Hai, Ke Ghair Nabi Ko Nabi Se Afzal Kehna Hai.
*📚(Bahare Shariat, Jild 1, Hissa 1, Safha 210, Maktaba-tul-madina, Karachi)*
Lihaza Hazrat Ali Ko Ambiya E Kiram Se Afzal Jaanna Kufr He, Agar Koi Apne Aapko Saiyed Kahne Wala Ma'azallah Aysa Aqeedah Rakhta He to Vo Saiyed Hi Na Raha, Ki Uske Kufr Se Uski Siyadat Hi Na Rahi or Jab Siyadat Hi Na Rahi to Uski Tazeem Bhi Haram He Kyuñ Ki Jo Wajhe Tazeem Thi Wahi Na Rahi..
Jaisa Ki Sarkar Aala Hazrat Alaihir Rahmato Ridwan Taherir Farmate Hai,
Saadate Kiram Ki Ta'azeem Hamesha (Ki Jayegi) Jab Tak Unki Badmazhabi Hadde Kufr Ko Na Pahunche Ki Uske Baad Vo Saiyed Hi Nahiñ, Nasab Munaqata'a He.
Allah Azzawajal Qura'an Paak Me Irshad Farmata He,
اِنَّہٗ لَیۡسَ مِنْ اَہۡلِکَ ۚ اِنَّہٗ عَمَلٌ غَیۡرُ صٰلِحٍ ۫
Tarjama: Farmaya ! Ay Nooh ! Vo (Vo Tera Beta Qin'aan) Tere Ghar Waaloñ Me Se Nahiñ Is Ljye Ki
Ki Uske Kaam Achhe Nahiñ.
Badmazhab Jinki Badmazhabi Hadde Kufr Ko Pahunch Jaye Agarche Saiyed Mash'hoor Hoñ Na Saiyed Hai, Na in Ki Ta'azeem Halaal Balki Tauheen W Takfeer Farz.
*📚(Fatawa Razviya, J-22, S-421, Mas'ala-184)*
Wallahu Ta'ala Aa'alam Bis-sawab
*✍🏻Pathan Moin Raza Khan,Petlad Gujarat*
*🗓️17 July 2025, 21 Muharram 1447*
📲+91848
*🌹SAWAL-O-JAWAB🌹F.T.S👑grp*
•┈┈┈┈┈┈• • ✦ ✿ ✦ • •┈┈┈┈┈┈•
*Amanat Me Khayanat Na Kare Yaani Post Me Tabdili Karne Ki Ijazat Nahiñ. Agar Kuchh Khami Ya Lafzi Galti Nazar Aaye To Admin Se Rabta Kare*
No comments:
Post a Comment